لا عزاء للغربان
راندة محمود
حطي راسك يا ختي
على كتفي و غمضي
بحق اللي خلق الخلق
و الأرض و السما
ما بقاش أنا
لو ماخدت حقك
من اللي خلاكي تعيطي
لخليلهم الأرض نار
و السما دخان
يعمي عنيهم
لاكون لهم دمار
وطوفان غضبان
يدفنهم بالوسخ اللي فيهم
وفوق قبورهم ترقصي و تتنططي
ح اقض مضاجعهم واكون وجعهم
زي ما خلوكي تخافي و تصوتي
افتكري كلامي ده عهد وندر
لارجع أرضي وأصلي فرضي
على رملها واكونلك ستر
وارفع آداني فوق مآذن اقصاااها
كلمة و كل الناس مستنياها
جه الميعاد.
اجمعوا من كل البلاد
ده الأوان دلوقتي
والوقت وقتي
أنا المارد الفارض
علي الناس كلمته
ايد ماسكة مدفعه
وبأيده التانية مصلته
خلاص نشفت دمعته
في قلبه غضب يفتت الصخر
في روحه قهر
سنيييييييييين
وآن الأوان يدفع المهر
شهادة في سبيل الله
أو نصر.
آن الأوان نعلم الدرس للغربان
النسر لو ساكت مش معناه جبان
لو سرقت عشه
مش ممكن يسيبك تطلع كسبان
ولو مر الزمان
ح يحرر عشه ويدفنهم
في النهر
يا ختي اوعي تعيطي
ده في قلبي نار
يوأدهم في كل عصر
وصل دمي للغليان
لا ح يقف في وشي حاجز
ولا سور
أنا مش عاجز
طول عمري شجاع و جسور
جه وقت النسور
تحلق وسط الغيام
ولا عزاء للغربان
