لسه

لسه…..
سحر أبوالعلا
لسه بستناك.
وكأني عارفه انك هترجع.
لسه بكلمك.
وكأنك جنبي قاعد بتسمع.
لسه شايفاك.
بتبصلي وعنيك بتلمع.
لسه سامعه صوتك.
لسه فاكره صوت سكوتك.
لسه فاكره زعلك مني.
لما تبعد وتخاصمني.
واما أبكي وانام في حضنك.
تصالحني كأني بنتك.
لسه فاكره بكاك في حضني.
كنت حساك انك إبني.
لو يرجع بيا الزمان.
هحضنك واقفل عليك.
وجوه مني هخبيك.
ولا هسمح للفراق يحرمني منك.
أد عمري وكل عمري هقول بحبك.
سحر أبوالعلا