حلويات رمضان

حلويات رمضان
متابعه غاده إبراهيم

يعني قطايف وقطايف يعني حلويات رمضان لازم تجربوها بطريقتي عشان معاها ضمان القرمشه لتاني يوم محشيه مكسرات وجبنه ريكوتا مع طريقه عمل الجبنه الريكوتا كمان عشان عارفه انها غاليه ودي احسن جبنه لحشوات القطايف والكنافه والجلاش
المكونات

مكونات عجينه القطايف
1 و ربع كوب ماء حسب الاحتياج
ملعقة خميرة
كوب دقيق
ربع كوب سميد
ملعقه كبيره نشا
ملعقه كبيره دقيق ارز
ملعقة بكينج بودر
ملعقة كبيرة سكر
ملعقة صغيرة فانيليا

مكونات الجبنه الريكوتا
٤ كوب لبن حليب
نصف ملعقه صغيره ملح
٢ ملعقه كبيره لمون او خل

مكونات السيرب او العسل او الشربات او الشيره
٢كوب سكر
واحد كوب ماء
نصف لمونه

الطريقة
نبدأ بسم الله واجهز العجينة اضع كل المكونات فى طبق واقلبهم كويس ده لو متاكدة من الخميرة ولو مش متاكدة اعملى الاختبار وبعد تقليب المكونات انزل المية شوية شوية مع التقليب كويس حتى اصل لقوام مناسب لما اسحبه وانزله من المعلقة يبقى متصل ميقطعش ويكون ناعم اغطيه على جنب يخمر واحضر الشربات كل المكونات فى كسارولة وارفعها على النار لحد ما يكون قوامها تقيل
واعمل الجبنة اخد اللبن على النار ولما يدخل فى الغليان اضيف الخل وارفعه من على النار واسيبه يبرد وبعدين اصفيه واضيف عليه الملح واقلبه وبكده يبقى جاهز شرط التصفية كويس جدا بشاشة
وبعد حوالى ساعة حسب الجو بيكون العجينة خمرت اشكلها وحدات على طاسة سخنة وممسوحة بمنديل مدهون زيت
تستوى على وش واحد حتى تتغير لون العجين وتستوى
لحد ما تخلص بالكامل ثم تشكل وتتحشى واقليها او تشكل قرطاس او الشكل المفتوح وتقلى ثم احشيها وانزل عليها الشربات وتجمل باى نوع من المكسرات او السودانى المجروش و تقدم