كان يا ما كان…
سحر أبوالعلا
كان ياما كان
كان في زمان
حاجه اسمها انسان
وكان في كمان.
اهل وعشرة وجيران.
وكان في انسانية.
في فرحي قلبك عندي.
وفي حزنك قلبي عندك.
ومكنش في بيبان
متقفله ع الجيران
ومكنش فيه أسرار
لكن كان في خصوصية
بدخل بيتك باستئذان
بابك دايما مفتوح ليا
بنتي وابنك كانوا اخوات
واصحاب في الراحه والجايه.
لو حد بيتعرض لي.
ألقاك بتدافع عني.
دلوقتى بقينا جيران.
يا دوبك بينا حيطان.
لكن بيفرق بينا.
ييجي آلاف الأميال.
ابنك بيعاكس بنتي.
وبقيت انت بتتعرض لي.
راحت فين عشرة زمان.
وفين الأهل والجيران.
راحت فين كلمة انسان.
وفين تاهت الإنسانية.
سحر أبوالعلا
