راندة محمود
يا أم الاحرار
يا مصر يا أم الاحرار
فكى قيودك
طردى بره الاستعمار
افردى عودك
قولتى وشعبك ثار
يسلم قولك
اللى يرشنى بالميه
ارشه بالنار
ولو واقفة بطولك
هزة بولادك الدنيا
ولو كنتى عالم تالت
لكى حسابات تانية
لو حد عياره فالت
يجى عندك و انتباه
مهما شبتى
بتقوللى انا لسه بهيبتى
محفوظة من الاله
مهما ضعفتى
انتى اللى جبتى
فراعنة
لهم صيت و جاه
بتاخدى معونة
ولا فارقة
جوهرة مكنونة
ع الجبين عايقة
كبيرة العيلة المصونة
وخطوة وجاية
وانتى اللى قايلة
جيشى و طياراتى
فدا اخواتى
طول عمرك شايلة
قضايا وطن
وشعوب غالييين
اتكتب على بابها
كلام رب العالمين
ادخلوها بسلام آمنين
