لسه….
بقلم/ سحر ابو العلا
لسه قعدة بتكلم فى طيفه
لسه سرحانة فى خياله
لسه كل ذكرياته شاغلة بالها
لسه بتوجه له كل كلمة من كلامها
لسه رغم غيابه ساكن قلبها
لسه قافلة طريقها قصاد
اي حد بيحاول يوصل لها
لسه مش قادرة تتخيل
من غيره حياتها
لسه مش قادرة تتخلص
من كل اللى فاتها
لسه بتشوفه فى
كل تفاصيل عاشتها
اخر شتا وآخر لقا
حتي نفس الغنوة
ونفس المكان
كأن كل الحاجات
بتتحداها
حالفة لا تجدد
الذكريات جواها
لسه هى أصلا فاكرة
ومش ناسياها
لسه بتروح نفس المكان
نفس الكرسي والصور على الحيطان
حتى الألوان هى هى من زمان
لسه مستنية يرجع يدق البيبان.
