متابعه سهير ابو العلا
يساعد على الهضم : عن طريق زيادة إفراز العصارة الهاضمة وأحماض المعدة ، ودا بيساعدة على تكسير جزيئات الطعام الكبيره لجزيئات اصغر ، وكمان بيساعد علي امتصاص الجسم للعناصر الغذائية الموجوده ف الاكل بسهولة
كمان بيحسن حركة الأمعاء ويقلل الشعور بالإمتلاء والإنتفاخ في المعدة بس الناس اللي عندها حموضه او مشاكل ف جدار المعده زي القرح مثلا يفضل بلاش ليمون
تنقية الجسم من السموم : زي التخلص من حبوب الشباب ، البثور أو الإمساك ، كمان بيساعد في تخلص الجسم من المواد السامة اللي بتتراكم تحت أنسجة الجهاز التنفسي ، الجلد والكبد
تنظيف البشرة : حته جماليه بقا مهو كلنا دلوقتي لو ركزنا هنلاقي ان الليمون بيدخل ف كتيير من مكونات العنايه بالبشره ماء الليمون مع العسل أفضل علاج للتخلص من الحبوب والبثور والحصول على بشرة مشرقة ، لان الليمون بيحتوي على بعض المواد اللي بتتحكم في الزيوت الزائدة في الجلد ، كمان بيحتوي علي السيتريك اسيد اللي بيقضي على الجذور الحرة (free radicals) والسموم من داخل الجهاز الهضمي .
يساعد على تقويه المناعة : يساعد ماء على رفع مناعة الجسم والحماية ضد الأمراض المعدية ، الي ف الغالب بتكون مرتبطه بتغيرات الفصول ، عشان كدا لما بيكون عندنا برد او انفلوانزا بنشرب ليمون بعسل مش عشان هو بيخففنا لا لكن عشاان بيزود مناعة جسمنا ضد الفيروس ودا لان الليمون فيه مواد مضادة للميكروبات والاكسده و للبكتريا.
يحسن عملية التمثيل الغذائي :عن طريق تنظيم حركة الأمعاء ، وقد يساعد على حرق الدهون ويجعلك تشعر بالصحة والنشاط .
علاج جيد لعدوى الحلق : فالليمون يساعد على إذابة البلغم ، ويسهل خروجه من الجهاز التنفسي ، والعسل يقضي على البكتريا ويمنع البلغم الزائد ويجفف الجهاز التنفسي .
تعزيز الطاقة : لان عسل النحل معزز طبيعي للطاقة ، عشان كدا افضل نستخدمه بدلا السكر ، لانه بيحتوي علي مواد قاتلة للبكتريا ، بس ياريت نخلي بالنا ان معلقة العسل فيها نفس عدد السعرات اللي موجوده ف معلقة السكر يعني مش معني انه مفيد ناخد منه كميات بدون حساب
دمتم بخير
