اللي شفته….
بقلم/ سحر ابو العلا
اللي شفته منك مش شويه.
اللي شفته منك.
خلص الحلو اللي فيا.
كسر الحلم اللي شوفته.
كأنه كان كتير عليا.
اللي شفته منك.
دوب القلب العليل.
بكى منه الليل الحزين.
حتي جبل الصبر مال.
اللي شفته منك.
خلى صوت بكايا ناي.
ناي بيعزف لحن حبه.
ليك كأنه موت.
موت بيقتل فيا.
حتى السكوت.
ناي بيبكي .
بيبكي على قلبي وروحي المجروحين.
اللي دابو ياما من اللي شوفته.
ياللي كنت شايف حبك دايما كتير عليا.
حقي هخده. هخده منك من اللي شوفته.
هخده منك دمع وهجر وأسيه.
وعشان بحبك برضو مش هتهون عليا.
بس تعرف.
هحمل الباقي اللي فيا.
وهتيجي تتلفت وتدور عليا.
مش هتلاقي باقي مني.
خدت معايا كل اللي ليا.
حتي مسبتش ذكري مني.
تيجي يوم وتدلك عليا.
