بتشبهنا الشوارع
بتشبهنا الشوارع
في حكاوينا
ده شارع كان فيه لقانا
وده شارع كان
شاهد يوم فراقنا
ع دموع عنينا
وهناك شارع فيه
صدفة اتقابلنا
وفيه برضو
ياما حكينا
وكان ترابه
حاضن خطاوينا
انا فاكرة أول مرة
بعد فراقنا
مشيت لوحدي فيه
كنت سامعه بكاه
من زعله علينا
وكأنه يومها كان
بيسأل عن فراقنا
وليه بسهولة جدا
قلوبنا ليه هانت علينا
معرفتش يومها ارد اقوله ايه
ومن يومها ممشتش تاني
لوحدي فيه
سحر ابوالعلا
