إستثمر ذنوبك واجعلها سبب توبتك الإسكندرية نجوان حسنى
نعم ؟ أستثمره ؟ إزاي ؟
ابن تيمية بيقول ” وكم من ذنب أدخل صاحبه الجنة ”
شوفت ذنب كان سبب في تغيير حياة ناس! إيه ده إزاي ؟
بص يا سيدي كل مرة تعمل ذنب خلي التوبة أعلىٰ من المرة إللي قبلها، طيب يعني إيه ؟
يعني أول مرة تعمل الذنب؛ استغفر الله!
تاني مرة تعمل الذنب؛ استغفر الله، وطلَّع صدقة!
تالت مرة، استغفر الله، وطلَّع صدقة، وصلي ركعتين لله!
رابع مرة، استغفر الله، وطلَّع صدقة أكبر شوية، وصلي ركعتين!
خامس مرة، استغفر الله، وطلَّع صدقة أكبر بنية تطهير قلبك، وصلي ركعتين، وصوم يوم تطوع!
مع الوقت هتلاقي نفسك بتتأدب، وهاتبطل تعمل الذنب ده، والشيطان هيلاقي إن الذنب بيزيدك قرب لربنا أكتر، وأكتر، وعمَّال بيزودك حسنات! فهيبطل يشجعك علىٰ إرتكاب المعصية . ” اللهم طهر قلوبنا ”
