فاكر….
بقلم/سحرابوالعلا
فاكر لما جتني
وقلبك بالجراح مليان
كنت لك حضن ودفا وأمان
خبيتك يومها من الدنيا ومن الأيام
وحاربت عشانك كل اللى قال أوهام
اتحديت معاك الدنيا وراهنت عليك الأيام
وحلمت أعيش معاك أجمل غرام
وعشت بيك و عشانك الأحلام
ومشيت معاك طريق كان بالشوك مليان
ووصلت بيك لبر الأمان
وقلت هعيش معاك اجمل زمان.
ليه خنتني وبعتني ليه للدنيا سبتني
ليه خدت مني الأمان وسرقت مني كل الألوان
سبتلي منك بس صورة حزينة مكسورة
صورة كل ما المسها القاني مجروحة
صورة سودة خاصمتها الألوان
و رمتني فى دنيا كل ما فيها بهتان
