رسالة شهيد…
بقلم/ سحر ابو العلا
لما اموت روحوا لأمي
واحضنوا عنيها.
وقولولها متدمعيش.
دمعتك غاليه أوي.
وع ولدك متهونيش.
قولولها إبنك في الجنه.
مستنيكي ما تخافيش.
فاكرة يا اما لما دعيتي ليا.
وقولتيلي يارب أعيش.
أنا عايش ياما واللي زيي.
عند ربه حي فمتزعليش.
فاكرة برضو لما قولتيلي.
نفسي أشوفك عريس.
أنا عريس في الجنه.
يا اما فاضحكي ومتعيطيش.
(رد أم)
غصب عني يابن قلبي.
دمعتي مش أغلي منك.
كنت مستنياك تجيني.
تترمي في حضني واضمك.
قومت جتني يا حبيبي.
بالكفن غرقان في دمك.
ابن قلبي ياللي قلبي.
خبى نفسه معاك.
في كفنك وراح وسابني.
