Uncategorized

التغيير الغير حميد

بقلم: البتول إبراهيم

كل منا مر ….بخذلان وأحباط وأنكسار وخيبات
وناس كنا نقول لا مش ممكن يعملوا كده. …وهم بالذات اللى حصل منهم غير المتوقع وكانوا أهل ثقة

أحيانا لما الإنسان يمر بتجربه مريرة اويفشل فى شغل أو حلم يضيع منه ينقلب رأسا على عقب يكره الدنيا والناس حتى يكره نفسه وتلاقيه أتغير ….

……….يتغير تغيير غير حميد

اللى هو

يشك فى كل الناس

متربص دايما

واخد وضع الهجوم دايما

#يحدث سوء ظن وشكككككك وفقدان الامان

ممكن لماتبتسم له يفهم أنها ابتسامه سخرية منه أو شماته
واخد موقف الهجوم دايما .

يبعد عن الناس عنده رهبه وخوف أن يدخل فى علاقات جديدة يخاف أنه يقدم على عمل جديد .

يتلفت حوله ولووجد اتنين بيتكلموا يبقوا بيتكلموا عليه

متحملش الناس كلها سبب فشلك ممكن فشلك ده تكون انت السبب فيه تقصير منك او اختيار خاطئ أو مقمتش بواجبك على أكمل وجه .

مش كل الناس سيئة مش كل الناس متتمناش لك الخير
مش كل الناس مبتقدرش .
قابلت ناس مستحقتش ثقتك ده عيب فيهم مش فيك

لقيت ناس مش مصدقاك ده عيبهم شكوكهم وسوء ظنهم

لقيت ناس مريضه نفسيا هم اللي ناقصين مش أنت
……. ……..

مالقتش تقديرك هتلاقيه في مكان تاني ومع ناس تانيه
متخليش فئة معينه من الناس تخليك تنطوى وتتقوقع داخل نفسك وتبص للناس من خلال نضارتك السوده اللى شايف بها كله سواد .

لان ربنا خلق فينا الطيب والشرير

السوى والناقص

اللى حابب لك الخير واللى كاره يشوفك فى نعمه

اللى جرح غير اللى داوى

اللى قطع غير اللى وصل

اللي فرق وشتت غير اللى وفق وقدم لك خدماته وأخلاصه وحبه على طبق من ذهب

هل يستوى الذين يعلمون والذين لا يعلمون

عمر ما كفتى الميزات هتتساوى أبداااا

لماتتغير أتغير للأفضل والأنقى والأصلح اتغير من غير متشوه نفسك داخليا ونفسيا .

أتغير لك وعلشانك راهن نفسك وأكسب الرهان لأنك تستحق

وأن ضاع حلمك حقق غيره وأحلم من تاني

أن فقدت ناس ربنا هيعوضك ويبدلك خير منهم
وعسى أن تكرهوا شيئا وهو خير لكم

الدنيا مبتقفش عند حد ولاعلى حد
طول ما أنت واقف على رجلك
#أنت قادر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى