Uncategorized

خارج نطاق التغطية

خارج نطاق التغطية
سحر ابوالعلا
فجأة بترن الرد كان
خارج نطاق التغطية
صابها القلق حالة هلع
ما هو كان واعدها باللقا
الساعة كام فاتت كتير
وباقي كام مبقاش كتير
كام مرة حاولت تتصل
نفس الكلام .
بالها انشغل
طب هو فين وازاي كدة
من غير كلام
او حتى قبل ما يعتذر.
فجأة … اتصال
رقمه ايوة هو
رفض المكالمة
ده كان ردها
مكالمة تانية
قال قلبها ردي اوام
الوووو كنت فين
مين معايا
مين حضرتك
انا …. انا حبيبته
اسف اوي
اسمك ندي
ايوة انا
اسمك كان اخر حد
ينده عليه
ازاي انت بتقول ايه
كان نفسه ييجي يودعك
قفلت وغرقت فى الدموع
صرخت بصوت مليان وجع
رج المكان
مش كنت واعدني باللقا
طب ليه بقى
بسهولة وحدي تركتني
سلمت نفسك للغياب
ولوحدي تايهة فتّني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى