متكملش…..
كتبت/ سحر أبو العل
متكملش فى علاقة انت الطرف اللى بيدي فيها دايما أو انت الطرف اللى بيدي أكتر ما بياخد لإن العلاقة اللي مش مبنية على الأخذ و العطاء يعني هات وخد غالبا مش هتكمل لإن الطرف اللى بيدي دايما هييجي عليه وقت ويتعب لإنه محتاج يحس ان فى مقابل لعطاءه …
متكملش فى علاقة انت طول الوقت محتاج تقدم مبرر فيها للطرف الآخر عن كل تصرف بتعمله أو ان الطرف الآخر دايما بيكون قليل الثقة فيك و فى تصرفاتك .
متكملش فى علاقة فيها الطرف الآخر بيحسسك دايما ان ناقصك حاجة برغم كل ما تقدمه له و انك مهما قدمت بيحسسك انك مبتعملش حاجة.
متكملش فى علاقة مليانة مناهدة ووجع قلب علاقة بتعيط فيها اكتر ما بتضحك بتحزن فيها اكتر ما بتفرح .
حافظ على نفسك وابعد عن أي علاقة بتستهلكك .
