خواطر

قول للزمان ارجع يازمان … العلم والتكنولوجيا كنا …. واصبحنا

قول للزمان ارجع يازمان … العلم والتكنولوجيا
كنا …. واصبحنا

كتب مهاب حسن…. الاسكندريه

كنا … زمان نجلس جميعا الاب والام وباقي الاسره نتكلم في كل امور الحياه وممكن كنا نعيش كلنا في بيت العيله البيت ده يعيش فيه الأجداد والاعمام والعمات أو الاخوال والخالات؛ نقسم مصروف البيت بالتساوي ويتم طبخ الاكل لكل الأسرة و ننتظر لموعد تناول الغداء والعشاء و نجلس كلنا لناكل معا وكان لكبير العيله هيبته واحترامه.

هو تليفزيون واحد وثلاث قنوات مافيش غيرهم وممكن كمان مافيش راديو بنسمع الاخبار عند الجيران .. والله كانت ايام حلوة

المدارس معظمها حكوميه بثلاثه جنيه في السنه الدراسيه والكليات كلها حكوميه الشاطر فينا يجيب 80% ويدخل الكليه اللي تعجبه ويخلص يشتغل علي طول وتكليف من الدوله كمان ياااااه كنا..

واصبحنا … يادوب نبعت رساله واتس أو ماسنجر كل حاجه موجوده في جوجل مافيش حد بيقرٱ لا كتاب ولا حتي المنهج الدراسي الثانويه العامه بقت كابوس لازم نجيب أكثر من 100% لو عايز تدخل كليه من كليات القمه زي ما الناس بتسميها ؛ ولازم مدارس خاصه بأي اسم وكليات وجامعات خاصه جدا وبكام؟؟؟ كثيييبر

اصبحنا .. مش بنشوف اقرب الناس إلينا ؛ ولو قاعدين مع بعض كل واحد عينه وصوابعه في موبايله ومش اي موبايل وبأسعار غاليه جدا

نفسنا نرجع زي زمان نقرب من بعض ونتكلم مع بعض لكن عايزنا نرجع زي زمان قول للزمان ارجع يازمان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى