خواطر

العشرة…..

العشرة….

بقلم/ البتول إبراهيم 

(((((العشرة)))))

‏هناك اشخاص…..

مهما جرت الايام واتغيرت ظروف حياتهم مبيتغيروش
الحب والمودة زى ماهم

لمابنعاشر الناس مادخلناش جواهم ولاعرفناهم

ولاعرفنا نواياهم بتعاشربقلبك وأنت وبختك.

عشرة تطلع الماس ودهب…

تلاقيهم أهل واحسن واقرب من الأهل

ديما في ضهرك سندك وقت ماتحتاج لهم تلاقيهم من غير طلب يسألوا عليك لوغبت أوحتي ماسألتش عليهم.

ممكن تعدى شهور وسنين كتير تستغرب أن مشاعركم مبتتغيرش ( بحطة أيدك)

وتلاقي نفسك كأنك لسه سايبهم من ساعات مبيفرقش الغياب فيهم ولابيغير غلاوتهم مشتاقين لك

وفاتحين لك قلوبهم قبل بيوتهم

كتير مننا عنده علاقات وعشرة عمر بالسنين
………………………………………..

و نوع تاني…

ممكن السنين دى كلها يختزلوها فى أيام وممكن شهورمن غير أستئذان.

نفس الغلاوه وهنا لايشترط العشرة بالوقت أنما بالموده والحب والاحتواء والمواقف

أنت وهم (واحد )مفيش فرق بينكم فى حزنك وفرحك

فى السعه والضيق فى الفرح والموت .
…………………………………….

ونوع تالت

والنوع ده والعياذ بالله منهم لاسنين ولاشهور تأثر فيهم

هتلاقي عشرتهم مصالح أو منفعه

صحبه فالصو من أول موقف دخاااان بيتبخروا متلاقهمش

مهما نصحك الناس أنك تاخد حذرك منهم
…………………………….

للأسف أحنا بناخد بالظاهر احيانا

فى ناس تتودد وتتقرب منك وأنت طبعا مدخلتش جزاهم

ولا أطلعت علي نواياهم عمرك مهتقدر تحدد ( بطيخه مقفوله)
…………

خلي الأيام تكشفهم لك ولازم تخوض تجربة شخصية للحكم مهما كانت الظروف

لانك ببساطة منهم هتتعلم وهيتعلم عليك

وانا دائما أسمى المواقف(( كشاف البشر)) بتغربل الناس من حواليك
يقع منها الفالصو واللي مش أصلي ويبقي الأصيل اللى مهما

الغربال أتهز ميقعش ولايتغير معاك.

فى ناس من غلطة واحده بينسوا العشرة وكل شئ جميل

وناس بيغفروا أخطاؤل ويعذروك وأن كنت فعلا مخطئ

يخلقوا لك مليون مبرر للتسامح.

أتمني لكم عشرة طيبة من الالماس والدهب اللى كل ماعاشت

وقدمت يغلي تمنها ويزيد مقدارها

 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى