شعر وادب

العيد فرصة

العيد فرصة

يا رب يكون العيد فرصة
لكل واحد شقيان
يرتاح
لكل قلب قلقان
يهدا م الجراح
لكل روح عايشة فى الغربة
ترجع
مع أول صباح
كل حد مضايق
يعيش فى براح
لكل واحد حمله على كتافه
يخف
لو حد فيه رعب عاشه
و قلبه بيرف
يدخل للفرح من بابه
و يلف
على كل اللى شاف وجع
وطول العمر يتألم
يجى العيد يطبطب يلم
ويسلم
فرصة العيد
يلم شمل الفراق
ويجمع حب راق
يحط الأيد فى الأيد
بيجى العيد
فى اول الشروق
المتخاصم يروق
نعيد ع الجيران
بذوق
العيد فرصة
وشوية هدوء
راحة و طوق و نجاة
نفصل حبة من مشاكل الحياة
يا رب عيد سعادة
وخير فوق العادة
وينعاد سنة و اتنين
وزيادة

راندة محمود

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى