—- سكة العاشقين ———-
د. شعبان الشهاوي
قلبي استوى
من نار وشوق اهل الهوى
عقلي ارتوى
من دمع عيني كان دوا
مليون سؤال محتاج جواب
مع ان معروف السبب
ياهلترى
بينا عتاب؟ بينا ملام؟
ولا لهيب الشوق غطى على كل الكلام؟
ممكن جواب نلقاه مريح
ويكون صريح
ولا خلاص
كله اكتفى
ولا عاد حروف
كله اكتفى
عاوز بعيني يوم أشوف
بلا أي خوف
محتاج اطوف
اسعى بقلبي
وبدون كسوف
لا حاشكي من نار الهوى
ولا حتى شوق اهل الهوى
ولا عمري يوم حابوح بلوم
مهما قابلت ف دنيتي
حاعبر بكل قوتي
واتخطى واعبر الحدود … كل السدود
واطير بجناح لآخر مدي في سكتي
إللي قالوا ف وصفها
طريق وسكة عاشقين
كلماتي
د. شعبان الشهاوي
١٢ نوفمبر ٢٠٢١
