الرئيس السيسي يعقد مؤتمرا صحفيا عالميا خلال زيارته لهيئة قناة السويس. الإسكندرية كلمة العرب
عقد الرئيس عبد الفتاح السيسى مؤتمرا صحفيا عالميا اليوم الثلاثاء أثناء زيارته لهيئة قناة السويس هذا وقد صرح انه خلال الأسابيع القليلة القادمة سيكون هناك تحرك إضافي في قضية سد النهضة مضيفًا خلال كلمته بالمؤتمر الصحفي الذي عقده أثناء زيارته لهيئة قناة السويس: “احنا مبنتكلمش كتير بس أنا بقول للناس كلها محدش هيقدر ياخد نقطة مياه من مصر واللي عايز يجرب يجرب احنا مبنهددش حد”
أبرز تصريحات الرئيس في هذا السياق:-
– العمل العدائي قبيح له تأثيرات كبيرة جدا وتمتد لسنوات طويلة لأن الشعوب لا تنسى.
– المعركة الخاصة بنا هي معركة تفاوض وكل يوم الرأي العام العالمي كل يوم كبار المسؤولين في دول العالم ترى وإحنا بنكسب أرض وإن احنا بنتفاوض بشكل يحقق الكسب للجميع ميبقاش في حد يستأثر بحاجة وكل اللي بنطلبه أمر لا يخرج عن القوانين والمعايير الدولية في التعامل مع هذه الموضوعات اللي هي المياه العابرة للحدود.
– خلال الأسابيع القليلة القادمة هيبقى في تحرك إضافة ومفاوضات في هذا الموضوع ونتمنى إن احنا نصل لاتفاق قانوني ملزم بشأن ملء وتشغيل السد.
– احنا مبنتكلمش كتير بس أنا بقول للناس كلها محدش هيقدر ياخد نقطة مياه من مصر واللي عايز يجرب يجرب احنا مبنهددش حد.
– احنا عمرنا ما هددنا ودايما حوارنا رشيد جدا وصبور جدا لكن محدش هيقدر ياخد نقطة مياه من مصر وإلا هيبقى في حالة من عدم الاستقرار في المنطقة لا يتخيلها أحد، لا يتخيلها أحد ومحدش يتصور إنه يقدر يبقى بعيد عن قدرتنا، أنا عمري ما اتكلمت كدا ومبهددش حد بقول تاني مياه مصر لا مساس بها والمساس بها خط أحمر وهيبقى رد فعلنا في حالة المساس بها أمر هيأثر على استقرار المنطقة بالكامل.
