شعر وادب

بقالي سنين …..

بقالي سنين….

بقلم/ سحر أبو العلا 

بقالي سنين عامل مبسوط
وعايش بس حلاوة روح
مع ان القلب كتير مجروح
ولو القلب يا ناس هيبوح
صوت بوحه هيبقي أنين بينوح
بقالي سنين…..
بقالي سنين أقول بكرة هتتعدل
واهي دنيا مسيرها تتبدل
ومية بكرة على دا الحال
بقالي سنين…….
بقالي سنين اصبّر نفسي على المكتوب
واقول يا بخته اللى بات مغلوب
اتاري البخت للغالب
واتاري الحال صبح مقلوب.
بقالي سنين…..
بشوف الدنيا رغم سوادها بالألوان
و بغصب قلبي رغم الحزن
يعزف أجمل الألحان
و اقول بكرة تزورنا الشمس
و تبقى الصورة بالألوان.
بقالي سنين…

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى