قرية شقرف بمحافظة الغربية قضت على البطالة ب15مصنع لإنتاج لمبات الليد. محافظة الغربية /محمد درويش. قرية “شقرف” محافظة الغربيةهى .قرية مصرية صغيرة نسبة البطالة بها صفر تقريبا؟
عندما قرر إتنين من شباب أهل هذه القرية خريجين كلية هندسة إن يقيموا مصنع صغير لتصنيع لمبات الليد الموفرة.. الشغل جاب شغل والدنيا كبرت معاهم ومر وقت قصير وبعدها بدرا يتوسعوا في مساحة المصنع.وبعدها قاموا بفتح مصنع اخر وبعد مرور فترة قصيرة فتحوا مصنع ثالث حتى أصبح لديهم 15 مصنع بالقرية لصناعة لمبات الليد!..وذلك جعلهم يقوموا بتوفير فرص عمل جديدة لشباب وشابات القرية حتى وصلت نسبة البطالة. بالقرية صفر بطالة والجدير بالذكر أن تلك المصانع لسد السوق المحلى والتصدير أيضا للخارج لدول عربية وأجنبية!..
ونحن كإعلام نشير ونؤكد أن أى حكومة في أى دولة في العالم بيكون عندها هدف من ضمن أهم أولوياتها وهو القضاء على البطالة.. الطاقات البشرية المهدرة اللي قاعدة بدون شغل سواء بسبب الكسل أو عدم وجود فرص حقيقية مع الوقت بتبقى عبء وحِمل على أى إدارة.. المشكلة إنك أحياناً كـ دولة ممكن تكون فعلاً فاتح مجالات شغل كتيرة بس عدم رغبة العمل أصلاً اللي موجودة عند البعض هى اللى ممكن تحتاج لحل!.. الفكرة إن وقتها بيبقى لابد وأن تاتى الرغبة من الشباب نفسهم؛ لإن في النهاية الموضوع مش فرض لكن قناعة.. أنت عايز تشتغل، وتعمل حاجة مختلفة لنفسك ولبلدك ولا لأ؟..
شابو لأهالي قرية مصرية بسيطة صمموا إن يكون لهم هدف يقضوا من خلاله على البطالة، ويسيبوا بصمة تبقى مقترنة بيهم هما ومش شبه حد ونجحوا في كده فعلاً ورفعوا اسم قريتهم وكمان بلدهم.. مليون تحية لـ أهالي “شقرف” محافظة الغربية.
