المرأة والطفل

ازاى انزل دهون البطن ؟ نصائح من الكابتن كوشى

ازاى انزل دهون البطن ؟
نصائح من الكابتن كوشى

كتبت / عبير عبده العياط

سؤال يتردد دائما من السيدات
ازاى انزل دهون البطن ؟

نصائح من الكابتن كوشى مدربة الزوما ومصممة الاستعراضات

اولاً اتباع نظام اكل صحى متوزان بيحتوى على بروتين ، خضار، كارب
هتيجي تقولي طب وده معناه أيه ياكوتش
هقولك :

مفيش مشروبات غازيه لانها بتساعد فى تراكم دهون البطن ابدلها بعصاير طبيعه من غير سكر او مايه ديتوكس

منتجات الدقيق ابيض نستدبلها بمنتجات دقيق اسمر

مفيش حلويات ابدلها بفاكهه

مفيش وجبات من بره خالص كلها دهون ابدلها باكل صحى من البيت

وده مش يبقى لحد ما اخس ده يبقى اسلوب حياه الالتزام بده فتره هينزل دهون البطن

لازززززززم تشربى مايه كتير افضلها ديتوكس ( اضافه فاكهه)

خلى السناكس بتاعتك لحد ما وزن الزياده ينزل ( فاكهه و خضار)

نامى بدرى بلاش سهر

جزء من استفسارتكم بطن بعد الولاده
لو لسه حامل اول لما تولدى لازززززززززم تلبسى حزام البطن بيساعد جداً ، و الرضاعه هتساعد بنسبه كبيره فى فقد دهون الجسم

انا بطنى مترهله بعد الولاده
لو ظبطى الاكل زى ما كتبته فوق هتنزل و الرياضه هتشد عضلات البطن

انا رفيعه بس عندى بطن
وقفى اكل منتجات دقيق ابيض و مشروبات غازيه و بطنك هتنزل

التمرين
اتمرنى بطن يوم ويوم مش كل يوم العضلات بتحتاج وقت للراحه

و الكارديو طبعا مهم جداً جدا جداً جداً لانو بينزل دهون الجسم الكارديو بيتلعب بعد التمارين لو وزن زايد اوى ممكن لحد ٤٠ دقيقه بعد التمرين ، هتقولي ياكوتش زي ايه الكارديو هقولك زي ( نط الحبل ، الجري ، طلوع ونزول السلم بسرعه وهكذا )

يارب اكون قدرت افيدكو
خلي الرياضه اساس لحياتك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى