الحنين….

الحنين….

بقلم/ د.شعبان الشهاوى 

مين اللي قالك كان زمان
يلي انت قلبك فيه الامان
انا حبي ليكي مش هوان
يستقوى بيه حتى المكان
يا هلترى ليا مكان؟
ولا خلاص فات الاوان؟
سمعاني ولا اقول كمان
عايش غاويكي
عاشق عنيكي
ملهوف عليكي
ياه لو اطول لمسة ايديكي
وتهفهفي بروحك عليا
وتحسي بس باللي فيا
يا ام الرموش
متكحلين من غير رتوش
ياه ع الخدود
لما تكون ليا السند
نفسي بخجل منك طلب
انسي اللي فات واللي جرى
وافتكري بس اللي هوى
واللي بحبك انكوى
واللي بحبك انكوى
ردي السؤال واتكلمي
عيشي معاه واتعلمي
اوعاكي يوم تتألمي
من حب جوا مني داب
ياهلترى وصل الكلام؟
ده قصيدة ليكي وبهيام
فيها السلام
ممكن اشوف ليكي ابتسام؟
من غير عتاب
يلا اقفلي باب الملام
ايدي في ايديكي والعيون
باصين عليكي وبجنون
فبلاش ظنون
خلي الحياء بينا بأمل
مبحبش كلمة محتمل
قوي الوصال خليه اكيد
انسي العناد
وانسي معاه المستحيل
خلي القلوب يجمعها لون
صافي وخالي من الغيوم
خليكي ليا ادفا حضن
تلقي القلوب دنيا بحنين

27/1/2021