شعر وادب

لسة

….
سحر ابوالعلا

لسة قعدة بتكلم فى طيفه
لسة سرحانة فى خياله
لسة كل ذكرياته شاغلة بالها
لسة بتوجه له كل كلمة من كلامها
لسة رغم غيابه ساكن قلبها
لسة قافلة طريقها قصاد
اي حد بيحاول يوصل لها
لسة مش قادرة تتخيل
من غيره حياتها
لسة مش قادرة تتخلص
من كل اللى فاتها
لسة بتشوفه فى
كل تفاصيل عاشتها
اخر شتا وآخر لقا
حتي نفس الغنوة
ونفس المكان
كأن كل الحاجات
بتتحداها
حالفة لا تجدد
الذكريات جواها
لسة هى أصلا فاكرة
ومش ناسياها
لسة بتروح نفس المكان
نفس الكرسي والصور على الحيطان
حتى الألوان هى هى من زمان
لسة مستنية يرجع يدق البيبان.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى